CATOBLEPAS seu CATOBLEPA

CATOBLEPAS, seu CATOBLEPA

nomenanimalis in Aethiopia, de quo sic Solinus, c. 30. Iuxta Nigrim fluv.

Catoblepas nascitur, modica atque iners bestia, caput praegrave aegre ferens, aspectu pestilenti: nam qui in oculos eius offenderint, protinus vitâ exeunt. Graece κατωβλέπας, ut κατωφάγας, a κάτω, et βλέπω video, ob rationem dictam. In Circo Romano, ἡ κάτω, i. e. pars infenior, dicebatur Circi principium, ubi creta; sicut ἡ ἄνω, i. e. pars superior, ea quae ad ultimas metas erat, et alias σφενδόνη quoque appellabatur. Unde partem illam Circi, comparant Circi Editores terrae; istam vero, caelo. In urbe Athenarum, quid τῆς κάτω πόλιως nomine venerit, diximus supra. Vide Salmas. ad Solinum p. 389. et 915.